Walang magsasabing siya'y nagugutom,
Walang magdadasal ng tipun-tipon
O sisigaw nang sabay-sabay
O gagawa ng anumang bagay
Na makasisira sa reputasyon
Ng gobyernong kumalinga
Sa inyo nang tapat
At buong puso.
At buong puso.
Ang katanggap-tanggap
Lamang na mga salita
Ay sabihing ika'y mamamayan
Ng isang matatag na republika
Sa ilalim
Ng isang matatag na pangulo.
Ng isang matatag na republika
Sa ilalim
Ng isang matatag na pangulo.
Ang susuway ay dadakpin,
Aagawan ng ari-arian,
Aalisan ng kalayaan,
Tatatakan sa ulo ng marka ng terorista
At ipauubaya
Sa kamay ng militar.
Marlon Hacla