"Laging mapanganib ang hamon ng kasalukuyan sa bisa ng talinghaga. Sa harap ng mga proklamasyon ng kapangyarihan, narito ang mga pahayag na hindi tumatalikod sa talagang nakapangyayari, at walang pagwawalambahala sa ipinapataw na pamamahala."
Edgar Calabia Samar
"Here are the verses from poets who are committed to their craft -- and to their
convictions. These poets wield their art like a scalpel to expose the malignancy of the usurper in Malacañang. Something is rotten in the state of the nation, and their poems are a call to action."
Zaldy Dandan
JAIME ADRIANO
Tubong Pateros si Chuy tulad ng kanyang idolong makata na si Pete Lacaba. Karamihan sa kanyang mga likha ay tungkol sa maseselan ngunit lantarang katotohanan sa lipunan na ayon sa kanya’y pawang ka-chorvahan lamang. Nagtapos siya ng kursong Commerce major in Business Administration sa UST kung saan dati rin siyang Managing Editor ng kanilang college publication. Magkakasundo kayo kung bibigyan niyo siya ng beer at tatabihan habang nanonood ng mga taong naglalakad. Mas mahaba pa ang profile na ito kesa sa tula niya. Mag-ingat sa magnanakaw. Love, LRT.
MARK ANGELES
Nakilala sa cyber-alyas na Makoy Dakuykoy. Hindi nasindak ng Strong Republic ang kanyang blog [www.tabulas.com/~soulfly] at nagpapaskil na ng mga entri na kritikal sa rehimeng Arroyo simula nang itatag niya ito noong 2003. Dating vice president for Luzon ng College Editors Guild of the Philippines. Nakapaglathala na sa Liwayway, Sunday Inquirer Magazine, Literary Apprentice at iba pa.
JAKE FAJARDO
Si Kalteng ay 5'8" pero sa panaginip nya lang yon. Mahilig matulog nang nakadapa dahil iyon daw ang paraan para magkatotoo ang mga wet dreams n'ya ayon sa isang kainuman. Nangangarap na sana bumagsak yung anvil na gamit sa Looney Toons sa ulo ni GMA habang nagpipilit s'yang magmukhang kasimpa-simpatiya in front of national TV.
LOLITO GO
Si Bum na ata ang may pinakamaikling apelyido at pinakamahabang buhok sa PinoyPoets. Dalawampung taon na ang lumipas simula nang isilang siya sa tulong ng isang hilot sa Olongapo. Dalawampung taon na siyang lihis sa mga karaniwang gawing mortal. Dalawampung taon na siyang kumakanta, dalawampung taon na rin siyang tumutula. Patay na ang kaniyang kumadrona, buhay pa ang mga peste sa lipunan. Patuloy siyang makikibaka upang isulong ang sining at ang katarungang panlahat. Hindi siya natatakot makulong o mapatay.
MARLON HACLA
Si Marlon ay tubong Taguig, Metro Manila. Siya ay nagta-trabaho bilang isang system analyst sa isang kumpanya sa Makati. Nagtapos siya ng Computer Science sa Unibersidad ng Pilipinas. Siya ay kasapi ng Pinoypoets, isang komunidad ng mga makatang Pilipino.
MEDEL MERCADO
"Ako si Empoy, kapampangan pero galit sa kapwa kapampangang nasa palasyo."
FRANCIS MONTESENA
Lumaki siya sa Majayjay Laguna, nag-aral sa Pamantasan ng Silangan (Caloocan) at namulat ang mata sa gulo ng syudad at lipunan. Isang propesyunal na tagabilang, tagakipkip at tagapag-ingat ng yaman ng isang kumpanyang pag-aari ng isang dayuhan sa lungsod ng Makati. Walang pang pananagutan at namumuhay ng mag-isa sa tahanang pinaglagyan ng kaniyang mga pagsisinop sa buhay.
Hindi bulag at pipi sa mga nangyayari at kinakandili ang kapangyarihan ng salita upang maging mukha ng kaniyang damdamin.
ERNANIE RAFAEL
Si Nanoy ay naniniwala sa Diyos, at naniniwalang ang Diyos ay lubhang mabuti. Hindi siya pinili ng Diyos ngunit maaari din.
JONAR SABILANO
Dating patnugot ng Matanglawin.org, ang online na pahayagang pangmag-aaral ng Pamantasang Ateneo de Manila. Naging kasapi rin siya ng Heights, ang pahayagang pampanitikan ng nasabing pamantasan, at naging fellow para sa tulang Filipino sa Ateneo-Heights Writers' Workshop noong 2002. Kasalukuyang nagtatrabaho sa isang kumpanyang IT sa Lungsod Quezon at suma-sideline bilang gitarista ng bandang Petiks Department. Ilalabas na rin ang kanyang unang chapbook ngayong tag-araw.
REY TAMAYO
Isinilang si Rey sa maliit na bayan ng Jaro, Leyte ngunit nagkamalay at natotong kumatha ng mga tula sa Metro Manila. Siya'y naging Editorial Assistant ng diaryong Tambuli at Bayanihan na lingguhang lumalabas sa mga piling lugar sa Manila. Sa South Eastern College sinubukang kumuha ng kursong Bachelor of Arts in literature. Sa kasalukuyan siya ay aktibong lumalahok sa mga taunang patimpalak gaya ng Don Carlos Palanca Awards for Literature, Talaang Ginto ng KWF at sa Writers Prizes ng NCCA.
